مكتبة الشاعر عاطف خيري

مرّة صاح عكس إحتشادك فى الحضور هل غاب معاك وعى الطريق .. أم بيكى زكـّانى الزمن ماشيك .. وعارفك يا حريق

إضافة رد
  رقم المشاركة : ( 1 )  
قديم 06-07-2007, 11:38 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي مكتبة الشاعر عاطف خيري

 

 مرّة صاح

عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق ..

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض

*******

طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح

*********

سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس

*******

ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

.. صبحت مناحاتك ..

... نشيد



l;jfm hgahuv uh't odvd

 

ضع تعليق باستخدام حساب الفيس بوك

رد مع اقتباس
  رقم المشاركة : ( 2 )  
قديم 06-07-2007, 11:40 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي إقتراح

 

 نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة

.........

يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

........

إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى .. الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة .. ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !

*شهيق

ما تتضارى ورا الدعوات

وما تتلبسى فرح الفات

بسكن فيك النغم الزايف

ويسرق حاسة شوفنا الواقفة على رجلين جوانا

نحن الهاوية .. والمتطامن من الأرض

آه من نحلك ساعة يرحل

ولمن يكتب فينا الحنضل

ويختم عمرو بفعل الشهد



قال الجدول :

طلوع النخلة .. مرور الريح .. واحد

لكن الريح بعانق حقل

ونحن بنطلع نخلة .. وننزل

ونكتب فى ذاكرة الصفق الأخضر

سجنا الريح فى الورق الأبيض

وجهناها ضد التمر الناعس

يسقط زى قبعة الحارس

زى الكان بيناتنا .. و فات



قالت غيمة :

".. بين قوسين غيمة لئيمة"

أولاد الشارع فهرس لى كل المدن

التهرس جوفك بالأسمنت

قالت ريح :

شوف الناس قنديل

لو ما نور يحرق كوخ .. وباقى الحلة تنور

أو جبة جوخ .. أو ينزل بوخ

يقول للنسمة الزايفة .. أقيفى

لو تتفرد ريح .. تتشرد ريح .. ريح الخوف

لو تتفرد ريح تبدا تفرتق ضفاير المدن الكاذبة

تعيد تسريحتك



ويوم سمايتك .. شكل قامتك

كيف تموتى .. وتحيى تانى

ويوم قيامتك .. هو البيدينا الثبات

يا مجلوبة فى قافلة رق

ما بستحمل صدرك رصاصة ظلم

يا صابت رحم الفال

يا قطعت حبل الحلم

يا كنا نبيعك .. يا نسرق

إخترنا النار .. الضلها يحرق

طمنـّاك إنو الدنيا بخشها ضو

يجرح جلد العتمة

دم الليل قربان فجرك

يا بت يا نيل

لو نامت قمحة على الأبيض .. وإتشرت زيو

وزاد الأبيض فى غيو

ومدد رجلو اليسرى

ما كان الكسرة .. جاتك من برة

صفرا .. ومنكسرة

زوجناك الشهدا وِلاد الكلب

الماتو عشان الشعب

زوجناك ما عندك ضرة

زوجناك ما جاتك ضرة

وما إنشاف ماعونك فى الحلة يساسق

ويلقى فتات

قال الأبيض لى الأزرق:

يبقى ضد الإنتباه

وضد تواريخ التمازج بينى .. بينك

البشوفك فى مراهقة الخرائط

وفينا من وجع المسافرين .. واطه .. ما لاقت هوية

رد الأزرق:

مطر الحبش لو كان نبش جواك سقف

أو هد حيلك فى الدواخل

وشدّ عصبك فى المداخل

صوت مراكبى

وإيد بتسأل فى القمح

وفينا من فرح المسافرين قصة الشمس .. القضية

يا أعشاب النيل الأبيض .. ما تتضارى ورا الدعوات

أقرا تاريخك .. وأخاف

أسأل جبين الفجر .. وألقى الفجر مطعون فى القفا

هل سافرت فى دمك المحقون رجا

حبة غضب

ما شلنا جمرك .. وإنطفا جوانا نارك .. والمطر

جايين بالكتابة .. وضربة الناس المهابة

لو هز نخلك باشبزق

ما غادرت تمرة السبيط

وما ساور الطورية شك

إنو الأرض أنثى .. وبتحمل بالحلال

مين اللى قال

إنو المسافة البينا بين الشمس طاقة

أو مياه النيل

بتدخل فى عروق السنبلة المسقية بى عرق الجعانين ..

والمساهرين بالبطاقة

أقرى تاريخك .. وأقيف

جواكى .. والزمن النضيف

جواى .. من جواك غضب

سلم مفاتيح السؤال

جيل الشمس .. موكب حريق

واقف على باب الدخول

بيناتو بينات الوصول ..

لحظة شهيق

 

رد مع اقتباس
  رقم المشاركة : ( 3 )  
قديم 06-07-2007, 11:41 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي سيناريو اليابسة

 

 الهدهد:

مخدوش الفضا

طويل الحزن .. مفتول الحنين

مصاب بالديانات والشرود

نوح:

يبلغ من الطول مسافة يشتهى الغرقان .. شهيق

لونو زى سرك .. تكلمبو الصديق

أمو تتوحـّم على طين البحر

قبال تقابل والدو .. صدفة على الطريق

عمرو ستة شهور حِلِم

إنو الأرض مسجونة فى موية .. وكل الناس مراكبية

اليابسة ... فِركة .. مدخورة لى يوم فيهو ساير النيل

قطـّاع رحط كل الجزاير

والبنات البفتحوا الباب للمطر

وأنا جدولك شارف على كل الجداول الصاحية فيك

والغباش فى دمى منك

لو كسر ضلعين عذرتو

لكن نهر كل العصافير البتلعب فى الوريد

وفنـّاكى جواى زى حجر

والبينـّا ما فات الدوائر



الليل خِمار القمرة .. مجدوع فى الفراغ

والرقصة لى البت فينا ..

فوق كل المسامير الندقها فى البساط

والرياح حكـّامة بى دلوكة مرّقت الشياطين .. منها

إتجنن فقير الحلة دقيناهو بى نفس السياط

كل المجرات .. النيازك والشُهُب

ودع راميهو الله على السما

والدنيا زار



ويا هدهد هنا مرت مراكب نوح

محملة بالبخور

مين اللى شال من طاقة الطين البعيدة

قنديل حبيبتى وطيـّب الجرح المثير

مين السرق من بابا مفتاحو الملون .. والصرير

منهوبة مقبرة الفواكه فيكى

قولى معاى يا شرف القبايل .. جر

الشاف تباريح الطلح فى النار

شافنى مرقت من عندك ضرير

أنا ليه تجينى الموية حفيانة ..

وأدنقر ألبِّسا شبط أخضر

وأبيت مبلول .. وأصلِّح فى الرباط

أنا ليه شبابيك البيوت الواجمة .. والناس البُساط

وليه يرجانى النخل

فى السكة يفتح قلبى خمارة .. وخلاوى ..

وبيت بكا



تعبت من المساسقة والهتاف .. ياغيمة

أتبنى جبهة القمرة

السهر والحمى طول الليل تهضرب



ويا هدهد لقيت أمك

ترشرش فى السعف من عينها

وتجبر خاطرا المكسور عليك

ينكسر خاطر السعف فى إيدا

يا هدهد قيام

من السما الأول قيام

من السما السابع قيام

وأنزل مسافة تهبشك غنوة .. وأناولك كاس



ومرت مراكب نوح محملة بالملوك

ركعت على الموج الجنود

من كل جندى تفوح ضحية

ودم مشتت فى الأبد

دسيت جبهتى من السجود

بكى فى مخاض الخوف .. ولد

إشتبهوا فينى ورا الجبل

شافونى دسيت الهداهد بالزبد

صفا !

إنتباه !

وقعت من الهدهد بلد

نهبوها .. وإتقسموا الحدود



ومرت مراكب نوح محملة بالطيور

واقف مع نوح الغراب

ينضم ويأشر فى إتجاه

باقى الطيور يتوسوسوا

إلاّ الحمام .. إتوضا مارق للصلاة

القانقرد فى حزنو يغزل شاله من صوف

الطواويس شارّة قمصانا المزركشة فى الضحى

الزرازير بى عراريقا المغبشة .. جات على



أرجينى يا صالحة !

ومشيت فى الموج

يا النبى نوح أصل سالم

يا النبى نوح أصل .........

حجر الدُّغُش فى الموية يقلع ضُفرى

يادم !

ده ما وكت الرسم واللون

وجات المغارب حننت إيدا .. ومشت

سبحانك الأديتنا من حزنك فوانيس

ــ الغراب يا نوح طفش

واليابسة وين ...؟

يا الله ما يابس سوى حلقى المجرح بالدعا

طير يا حمام !

ـ الحمام يا نوح يجامل فى السما

وبيّاع مناديل خضرا فى كل العصور



أنا ما خلقتك يا ظنون

شان تبيتى الليل معاى

وتجرى من فوقى الغُطا

ما تشُرّى فى حبلى الوساوس

والمعانى الداكنة .. والليل والشتا



الهدهد تميمة الموت

معلّق فى بيوت الناس .. نعش

من خرافاتن تعال

من دياناتن تعال

نفّض نعاسك من كل بيت

من كل حجوة حكوها عنك

فى الليالى الباردة والأطفال نيام



مين يشترينى من الملوك الخايدة فى الدم القديم

مين يوصف بيتنا لى هدهد يتيم

مين النبى القادم؟

من مكة !

أو من دكة !

فى شارع حميم

مين اليوصف للنحل ريق الحبيبة

وحبة القمح التقوم فوق محفضة حبوبة

فى الزمن اللئيم

مزيداً من الطين يا إله

أبنى خوفى عليك .. ومنك

أبنى آخر بيت .. حرام



ومرت مراكب نوح محملة بالحجيج

ــ وين ولدك ؟

ــ تركتو على الجبل .

ــ وين بلدك ؟

ــ ضربتها فى مثل .

ــ وين نحن ؟

ــ مرقت على عجل .

ــ يا نوح تخلينا

زيتونك مخلل بالشمس

نار الله والرِجل الغريبة

نحن البلاد الشاكية جرحها للصديد

جاتنا القوافل بالضجيج

جرتنا من حلبة رقيص

ورتنا كيف صلبوا المسيح

ورتنا كيف كتلوا الحسين

وبكينا أكتر منها

ساقتنا فى الآخر .. عبيد

مين يشترينى من الملوك

الخايدة فى الدم القديم

مين البوصِّف بيتنا لى هدهد يتيم



يا هدهدى المهدود

مين هدهدك .. نمت

كل الطيور غنت .. منك يجينى سكوت

مين الهداك للناس

أو هدّ فيك الموت؟

يا أوسم الجايين .. أنا قلبى حِلّة حنين

والشوق فتحنى بيوت

يا صالحة

لا جنبك .. لا فتّ منك فوت

دايماً معلق بين ..

بين الحياة والموت

أدخل ضلام الناس

نورك يجينى خيوط

وقبّال أقع فى الضو

جوّاك سندنى خِفوت

أنا برضى حلة شوق

لكنى فى التابوت

ومرت مراكب نوح محملة بالعبيد

الجنة .. زى هدهد معلقة فى الكتاب

ونحن العبيد

باب الحياة السرِّى

حرير فى فكرة الدودة الموجعة .. بالنسيج

وصيوان عزا نوح

.. المكفّن بالوعود



هدهد يرك فوق دفــّة المركب .. يدندن

الريح سكن خيمة حريمو الأربعة

النيل رجع فى اللوحة

للوادى القديم

البحار مكتوفة الأيدى

.. الشموس فاقت

ونوح بعاين فى مفاتن اليابسة

تغسل فى حصا .. ومتبرجة

سبحانك الأديتنا من ملكك سلاطين .. وإختفيت

هاك أنبياءك سالمين

وأنزل مسافة توجعك .. غابة

رقيصنا الحى

طبولنا...

وليك شبال

من اليابسة الممشّطة بالملح

... وهدهد

 

رد مع اقتباس
  رقم المشاركة : ( 4 )  
قديم 06-07-2007, 11:43 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي الجالوص

 

 معتوهة .. معتقة .. ومنعتقة

نوافير إنتشاء .. وحشمة وحمار العين

تنقـِّى من القبور السكلبة

ومن بيت بكاك .. زيف المعزين

تضحك كل ما وقعت مصيبة

تمشى على العجين وتلخبطو

ترطن إذا جاها الحنين



يا بت بيوت الهجعة كيف

وغبار شوارعك ماشى وين

زقاق يفتش فى زقاق

كتمة وضلمة .. وإنعتاق

أنا فيكى لامونى المساجين



سكاتك منازل حلال الحرام

سكاتك على حين أهش الحمام

سكاتك عليك لما تصحى المسام

وسكاتك عليهم .. سكوت والسلام



صوتك وكت قطع البحر

قُبـّال مراكب العمدة .. ضهر النيل عـِرِق

والشمس فوق حبل الغيوم شرت جلاليب النعاس

ناشف غرب .. مبلول شرق

والمطرة زى شِفّع العيد .. تدخل غرف كل البيوت

حكمة الجوع الشرح للأرضة كيف تقرا المِرِق

وقبال يقع فوقك سقف .. يتنحنح الجالوص

أمرق على مهلك .. مروق الحنة من ضُفر العروس

وأصعد على مهلك .. صعود البذرة والروح .. والشموس



مبنية مدن الخوف .. من طينة آخر الليل

وأنا فى سقالة الشوف .. قدح البصيرة تقيل

فاتح زريبة الجوف

تمرق تخش الخيل

على كيفا .. كيف معلوف ..ضهر المظنة يشيل

وأنا ظنى ظنيتو .. لا النيل غريق فى النيل

والليل ولا فى بالو ليل



ساكت يغنوا على القمر

واجعنى فى البحر السكات

وسكتنى فى الوجع البحر

يا بِت صباح الطير .. وين البلد ركّت؟

ما عاد هواك يفتح فى الكتمة شباك النزيف

ريف الجسد ــ صدرك ــ سبلوقة اللبن الحريف

داسينى فيكى نَدُر .. والأنبياء فاتوا

وأنبياء بين بين .. قاعدين فى ضل النار

داسينى فيكى نَدُر

وفى غفلة جوا الكفار .. وطارت حمامة الغار

لاقونى ناشف .. ومـُر

ماذنب جلد الطار ..

لو غنوا بيهو شـُتـُر

ما تخافى الله معاك

.. وكل الملايكة .. سـُمـُر

 

رد مع اقتباس
  رقم المشاركة : ( 5 )  
قديم 23-06-2008, 11:33 PM
الصورة الرمزية الكردفاني
 
الكردفاني
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  الكردفاني غير متواجد حالياً  
الملف الشخصي
رقــم العضويـــة : 108
تـاريخ التسجيـل : Sep 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : السـودان-الرهــد أبودكنـــة
المشاركـــــــات : 76 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الكردفاني is on a distinguished road
افتراضي

 

 
ياسلااااااااااااااااااام!
تسلم يافنااااااان

 

رد مع اقتباس
  رقم المشاركة : ( 6 )  
قديم 24-06-2008, 12:07 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

اقتباس:
المشاركة الأصلية كتبت بواسطة الكردفاني مشاهدة المشاركة

ياسلااااااااااااااااااام!
تسلم يافنااااااان

اله يسلمك يا حبيبنا و منور كتير ... المكتبات الشعرية فيها كنوز حلوة جدا لكن للاسف الناس ما متواجده بصورة كبيرة ...
الف شكر الكردفاني و نورت البوست

 

رد مع اقتباس
  رقم المشاركة : ( 7 )  
قديم 31-05-2009, 09:25 PM
الصورة الرمزية الأسمر
 
الأسمر
:&: نبض قوي :&:

 الأوسمة و جوائز
 بينات الاتصال بالعضو
 اخر مواضيع العضو
  الأسمر غير متواجد حالياً  
الملف الشخصي
رقــم العضويـــة : 792
تـاريخ التسجيـل : Apr 2009
العــــــــمـــــــــر :
الــــــــجنــــــس :  Saudi Arabia
الـــــدولـــــــــــة : سوداني بالسعودية
المشاركـــــــات : 399 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الأسمر is on a distinguished road
افتراضي رد: مكتبة الشاعر عاطف خيري

 

  لك التقدير يا سيدي وأنت توثق لأعلام الكتابة في بلادي وفي البلاد العربية..نحن شعب شفاهي الثقافة وهذا سبب رئيسي لكل الكوارث التي ألمت بنا.. لك الشكر والمنى..

 

رد مع اقتباس
  رقم المشاركة : ( 8 )  
قديم 01-06-2009, 02:03 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر عاطف خيري

 

 

اقتباس:
المشاركة الأصلية كتبت بواسطة الأسمر مشاهدة المشاركة
لك التقدير يا سيدي وأنت توثق لأعلام الكتابة في بلادي وفي البلاد العربية..نحن شعب شفاهي الثقافة وهذا سبب رئيسي لكل الكوارث التي ألمت بنا.. لك الشكر والمنى..
اشكرك الاسمر ...
بس و الله لو وضحت لي معنى كلمة الكوراث دي تكون ماقصرت
معاي ولحدي ماتجي مليون شكر ياغالي

 

رد مع اقتباس
  رقم المشاركة : ( 9 )  
قديم 01-06-2009, 09:27 AM
الصورة الرمزية الأسمر
 
الأسمر
:&: نبض قوي :&:

 الأوسمة و جوائز
 بينات الاتصال بالعضو
 اخر مواضيع العضو
  الأسمر غير متواجد حالياً  
الملف الشخصي
رقــم العضويـــة : 792
تـاريخ التسجيـل : Apr 2009
العــــــــمـــــــــر :
الــــــــجنــــــس :  Saudi Arabia
الـــــدولـــــــــــة : سوداني بالسعودية
المشاركـــــــات : 399 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : الأسمر is on a distinguished road
افتراضي رد: مكتبة الشاعر عاطف خيري

 

 بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة فى لحظة .. مخاض

أهلا بك يا سيدي..
لم أك أرغب بافساد هذه اللوحات الجميلة بكتابتي هذه ..لكنك وبما أشرت اليه فتحت بابا لاسئلة كثيرة..
ما قصدته هو أن حال الاحباط السائد الان في الوطن..والتمترس خلف حصون القبيلة..ورياح الكبت العاتية التي اقتلعت كل رايات الحرية سببها أننا - في عمومنا- لم نطلع أو نتشرب بهذه المعاني الرائعات..وهذه الأحرف التي تبشر بقيم الحق والحرية والخير..نشأنا هكذا..دون أن تنير دروبنا شموع التفاؤل التي يضيئها الجميل عاطف خيري وغيره من الجميلين والجميلات..ضيق مواعين النشر حال بين صوت عاطف واّذان من يفترض أن تصلهم حروفه..لا أحد ينظر للبعيد..لا أحد يبشر بقيم الحرية..لا أحد يهتم..
وأنت بما تفعله هنا مشكورا فانك تساهم في التبشير بقيم الجمال التي اختفت مخلفة وراءها جبالا من القبح..
ليبارك الله لك فعلك هذا..حتما سيطلع عليه متصفح ما..وسيتأمله.وتتسرب معانيه الى ذاته..لتغير فيه..والتغيير يبدأ هكذا.. الى أن يعود الوطن الجميل الذي أعرف وتعرف..
أكرر التقدير لك..يا جميل.

 

رد مع اقتباس
  رقم المشاركة : ( 10 )  
قديم 01-06-2009, 05:48 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر عاطف خيري

 

 

اقتباس:
المشاركة الأصلية كتبت بواسطة الأسمر مشاهدة المشاركة
بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة فى لحظة .. مخاض

أهلا بك يا سيدي..
لم أك أرغب بافساد هذه اللوحات الجميلة بكتابتي هذه ..لكنك وبما أشرت اليه فتحت بابا لاسئلة كثيرة..
ما قصدته هو أن حال الاحباط السائد الان في الوطن..والتمترس خلف حصون القبيلة..ورياح الكبت العاتية التي اقتلعت كل رايات الحرية سببها أننا - في عمومنا- لم نطلع أو نتشرب بهذه المعاني الرائعات..وهذه الأحرف التي تبشر بقيم الحق والحرية والخير..نشأنا هكذا..دون أن تنير دروبنا شموع التفاؤل التي يضيئها الجميل عاطف خيري وغيره من الجميلين والجميلات..ضيق مواعين النشر حال بين صوت عاطف واّذان من يفترض أن تصلهم حروفه..لا أحد ينظر للبعيد..لا أحد يبشر بقيم الحرية..لا أحد يهتم..
وأنت بما تفعله هنا مشكورا فانك تساهم في التبشير بقيم الجمال التي اختفت مخلفة وراءها جبالا من القبح..
ليبارك الله لك فعلك هذا..حتما سيطلع عليه متصفح ما..وسيتأمله.وتتسرب معانيه الى ذاته..لتغير فيه..والتغيير يبدأ هكذا.. الى أن يعود الوطن الجميل الذي أعرف وتعرف..
أكرر التقدير لك..يا جميل.


شكراً لحضورك الاسمر مرة اخرى لتزيل الغبن عن ( النفوس ) وتنير الفكر و البصيرة فلقد عودتنا ان تترك خلفك بصمة يستنير بها الجميع ..
كان مداخلي عاطف خير و كان مدخلك (الجذور) ..
لاتخرمنا من طيب تواجدك ,,,,,

 

رد مع اقتباس
  رقم المشاركة : ( 11 )  
قديم 01-06-2009, 07:50 PM
الصورة الرمزية basil
 
basil
&: قوي و فعال :&

 الأوسمة و جوائز
 بينات الاتصال بالعضو
 اخر مواضيع العضو
  basil غير متواجد حالياً  
الملف الشخصي
رقــم العضويـــة : 946
تـاريخ التسجيـل : May 2009
العــــــــمـــــــــر :
الــــــــجنــــــس :  Sudan
الـــــدولـــــــــــة : كل حفنة تراب تشرفت بمرور سوداني هي اي وطنا بوجود ذلك الكائن الجميل (السوداني )
المشاركـــــــات : 1,613 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : basil is on a distinguished road
افتراضي رد: سيناريو اليابسة

 

 

اقتباس:
المشاركة الأصلية كتبت بواسطة طارق عبد القادر مشاهدة المشاركة
الهدهد:





أنا ما خلقتك يا ظنون

شان تبيتى الليل معاى

وتجرى من فوقى الغُطا

ما تشُرّى فى حبلى الوساوس

والمعانى الداكنة .. والليل والشتا


[align=right]ياخي الزول دا رائع ....
وانت الروعة زاتا يا طارق ...
مشكووووووووووووووور...
[/align]

 

رد مع اقتباس
  رقم المشاركة : ( 12 )  
قديم 01-06-2009, 07:57 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: سيناريو اليابسة

 

 

اقتباس:
المشاركة الأصلية كتبت بواسطة basil مشاهدة المشاركة
[align=right]ياخي الزول دا رائع ....
وانت الروعة زاتا يا طارق ...
مشكووووووووووووووور...
[/align]
عزيزنا باسل .....

عاطف خير ورفقائه يستطيعون ان يطوعوا الحرف قسراً
ونرضى و نبتهج معهم ... حضورك يعني لي الكثير ... وشكرا
لانك وهبتنا شرف الرد عليك ..
دمت بالف خير

 

رد مع اقتباس
  رقم المشاركة : ( 13 )  
قديم 29-09-2009, 10:07 PM
 
نوح
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  نوح غير متواجد حالياً  
الملف الشخصي
رقــم العضويـــة : 2178
تـاريخ التسجيـل : Sep 2009
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 7 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : نوح is on a distinguished road
افتراضي

 

 

عاطف خيري
منفستو الهمباتة
(1)

الجسد مصلاية الروح

الروح المفوته كم وكت

الوكت الموهط في النزوح

طالع أعالي الفوق تحت

تحتك ينقز في سطوح

رهن الأصابع ومنفلت

فالت إذا كنت الجنوح

وحدك منادي ومتلفت

(2)

كان القلب..مضيفه,

والألم,

كماعضَّ الطفل

ثدي امو

صار جبانه في البلد

البقت ما أمو

والفاتوني

في طرف البحر ينْحَمو

أو شالو الحجر وانْحَمو

لي قمريه من فَرْط الشجر صاحت

إلى قمري وأجاب

منْ ثمْ

هدر دمو

(3)

يا خيل..

يانبي.. يابراك

ياليس من مُرضِع بَلاك

لو شفتَ جوه النار جنين

فاطِنو من سقية هلاك

كان شفت جوه الجنه طين

بالِنو لى آدم سواك,

وكان تكفي جقمه من الحنين

وتقنع من الموج الهناك

وماكُنا في جوف الكمين

غنينا غُنوات الفِكاك

صنارة العدم السَنين

صارقيلا وحشه وارتباك

(4)

يا غربه نحن مشينا وين

من طَلعتِك نخلة هواي

ومديت أصابعي على المَدين

فتحت ما شايف سواي

غمضنا.. الله ادانا عين

كورَكتي آدم..دم..دم في الغياب

إتصنَّتك كل الجراد الفيني

مسغبة الرتيلا..

الطحلب .. الشوك..اللُعاب

لسان الواطه يتعَرَفْ على طعم الخطايا

أتَر البهايم في التراب

تَحلِب بصيرة الراعي من شوفتو اللبن

اللغه في زريبة ربها

تعجِن حنوط المعنى في قرع السكوت

هسيس توب يرقه

قلعت خوفا في شط النوايا

إبليس حبيس العِلّه في كلمة سجود

والدود يجيك من شَدّه في لفظة تخمُر

تسمع حنين الشمس لي ضل البيوت

همهمة الجرِح لحظة تعود

من غُربة الجسد الخلايا

لَجَنَة لسان الضو إذا نطق الزوايا

ودُخلَة الكاف الصبي

على نوناً يّرِن خلخالا في قلب النبي

وتسمع زغاريد العدم

 

رد مع اقتباس
  رقم المشاركة : ( 14 )  
قديم 30-09-2009, 09:40 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 الف شكر اخي نوح على الاضافة .. ونتمنى ان تسخر قلمك للمنتدى
لنخرج بحصيلة ممتازة ونتقاسم معك هذا الكم الهائل من الفكر والابداع
كن بالف خير

 

رد مع اقتباس
  رقم المشاركة : ( 15 )  
قديم 22-03-2011, 05:20 PM
 
دفع الله محمد
:&: عضو جديد :&:

 الأوسمة و جوائز
 بينات الاتصال بالعضو
 اخر مواضيع العضو
  دفع الله محمد غير متواجد حالياً  
الملف الشخصي
رقــم العضويـــة : 6056
تـاريخ التسجيـل : Mar 2011
العــــــــمـــــــــر :
الــــــــجنــــــس :  Sudan
الـــــدولـــــــــــة :
المشاركـــــــات : 2 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : دفع الله محمد is on a distinguished road
افتراضي

 

 نشكر الرائع جدا عاطف خيرى

 

رد مع اقتباس
  رقم المشاركة : ( 16 )  
قديم 22-03-2011, 08:10 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

اقتباس:
المشاركة الأصلية كتبت بواسطة دفع الله محمد مشاهدة المشاركة
نشكر الرائع جدا عاطف خيرى


ولك الشكر والتقدير دفع الله
منورنا كتير ،،،
:26-142:

 

رد مع اقتباس
  رقم المشاركة : ( 17 )  
قديم 23-03-2011, 11:32 AM
 
TAYSEER
:&: عضو فعال :&:

 الأوسمة و جوائز
 بينات الاتصال بالعضو
 اخر مواضيع العضو
  TAYSEER غير متواجد حالياً  
الملف الشخصي
رقــم العضويـــة : 105
تـاريخ التسجيـل : Sep 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : السودان
المشاركـــــــات : 265 [+]
آخــر تواجــــــــد : ()
عدد الـــنقــــــاط : 10
قوة التـرشيــــح : TAYSEER is on a distinguished road
افتراضي

 

 كل يوم تتحفنا بشيء يا ادمن ...
شكرا على روائع عاطف خيري
تقبلني ضيفة دائمة في مكتبتك

 

رد مع اقتباس
  رقم المشاركة : ( 18 )  
قديم 23-03-2011, 01:49 PM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي

 

 

اقتباس:
المشاركة الأصلية كتبت بواسطة tayseer مشاهدة المشاركة
كل يوم تتحفنا بشيء يا ادمن ...
شكرا على روائع عاطف خيري
تقبلني ضيفة دائمة في مكتبتك

على الرحب والسعة تيسير ،،
المكتبة منورة بتواجدك والف شكر على المرور

 

رد مع اقتباس
  رقم المشاركة : ( 19 )  
قديم 20-11-2011, 10:31 AM
الصورة الرمزية طارق عبد القادر
 
طارق عبد القادر
:&: إدارة المنتدى :&:

 الأوسمة و جوائز
 بينات الاتصال بالعضو
 اخر مواضيع العضو
  طارق عبد القادر غير متواجد حالياً  
الملف الشخصي
رقــم العضويـــة : 1
تـاريخ التسجيـل : Jun 2007
العــــــــمـــــــــر :
الــــــــجنــــــس :  Sudan
الـــــدولـــــــــــة : الرياض
المشاركـــــــات : 32,732 [+]
آخــر تواجــــــــد : ()
عدد الـــنقــــــاط : 623
قوة التـرشيــــح : طارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to allطارق عبد القادر is a name known to all
افتراضي رد: مكتبة الشاعر عاطف خيري

 

 

باب الروح - ح نتقابل




[url=[/url]]‫

 

رد مع اقتباس
إضافة رد



يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة الشاعر أمل دنقل طارق عبد القادر منتدى المكتبات الشعرية 13 23-07-2012 04:07 PM
مكتبة الشاعر د.معز عمر بخيت الشايقية منتدى المكتبات الشعرية 16 11-09-2011 10:37 AM
عاطف خيري الجسد مصلايه الروح Rasha Saeed منتدى المكتبات الشعرية 3 21-05-2010 11:28 PM
تخريمه حب (لحظه شهيق) عاطف خيري كوجي منتدى الأدب والشعر والخواطر 1 26-04-2009 08:55 PM
مكتبة الشاعر / احمد مطر الشاعر منتدى المكتبات الشعرية 4 24-02-2009 11:46 PM


الساعة الآن 11:55 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. Trans by
© منتديات شبكة سوداني ون ©

a.d - i.s.s.w